ما بلوچین ما بلوچین ما بلوچ ما بلوچستان ءِ نوکین ماه ءُ روچ
تاک تاک انت زندءِ دفتر تئی بلوچ
زیر تپاک ءِ رشتگ ء هورئی بوچ
پرچی ء از کاروان پدمنتگ ئی
ظاهرانت پیش کنزگ ءِ مادن چو روچ
همبلان دوشی مزن بانگواه کتگ
منزل اش گپت انت ءُ آرام انت مروچ
روچ دراتکگ تو اگت وابینگ ئی
شنگ ءُ شانگ انت بارءُ بی فکرئی چه کوچ
کامیابی کارءُ کوشست ءِ برانت
انب لوتئی چون ؟ که تو کشتگ کروچ
گو هراتِ پئی مان زرءِ لنج ببد
لعل لوت ئی سکّگین کوهان بکوچ
وقت گوازین ئی په واب ءُ غفلت ء
قیمتی جنسء مکن چو سُتکءُ سوچ
روم ءُ شام ءِ حسرت ء چیّ ء ورئی
روم ءُ شامی اد بکن از چانپ ءُ نکوچ
لاغری عذرئی نه انت په تازی ء
لاغرئی بهتر بِتچ بل عذر ءِ پوچ
گون بلوچی غیرت ء میان ء ببند
میش ءِ چمجهلی مکن پادا چو قوچ
نی ترازیب ایت گُوشگ با پهرءُشان
دیم ءِ دیوان ء که ما هستین بلوچ
ما بلوچین ما بلوچین ما بلوچ
ما بلوچستان ءِ نوکین ماه ءُ روچ
هیچ نظری موجود نیست:
ارسال یک نظر